الاثنين، ٢ أغسطس ٢٠١٠

صورة مطوية ..



صورة جديدة بين الصور لقيتها مخفية

عليها تراب الزمن من كتره مطفية

مسحت بإيدي عليها طلعتلى جنية

خفت .. ووقعت الثورة من بين إيدية

قالتلى ما تخافيش .. ده انا هي

قلتلها مين انتى ؟؟ ومين هى ؟؟

قالتلى انا صورة لبنت منسية

نساها زمانها ف صفحة مطوية

بعد ما كانت شمس مضوية

بتضوي بنورها ع البشر

كانت مطر..

ينزل بخيره على القلوب يشفي الكدر

يشيل منها الزعل والعكر

يخضرها بلون الشجر


كانت أغنية ملحنها القدر

نسج من جراحها لحن مختصر

خلاها بسمة لكل محتضـِر

ونسي جراح البنت وزواها في ركن الخطر

وطواها في كتاب قديم بيها إتشطر

وصارت الشمس القوية ..

مجرد صفحة مطوية !!



هناك ٥ تعليقات:

  1. أمسك

    أخيرا نزلتى حاجه جديده؟؟

    دانا مصدقتش نفسى لما شفتها

    جميله يا دعاء كالعاده مبدعه

    بس كبرى الخط الله يباركلك احسن صغير قوى


    متابعه يا قمر

    ومش لازم استنى شهر على الجديد :)

    ردحذف
  2. والله بكتبها وعارفه انك هتردي علطوول

    مانت المتابع الوحيد بقي

    بس هى مش كتابه جديده كله من الارشيف بقي

    اصل قلمي راح يصيف هو كمااان

    لما يرجع بقي هبقي اتابعكم بالاخبار


    مهاااا .. انتى المبدعه وكلنا ندور ف فلكك

    ردحذف
  3. سلام عليكم ورحمة الله وبركاته
    ماشاء الله يا بنتى ايه الابداعات الجامده ده

    ايدى وجعتنى من كتر التصفيق
    روووووووووووووعه يادودوى جميله

    ردحذف
  4. سؤال كده على الماشى بخصوص التقييم سعادتك
    مافيش فيهم رد يعبر عن اللى عجبنى فى المدونة
    كلها اختيارات اقل من الوصف اللى تستحقه

    ردحذف
  5. يادى النور .. يادى النور
    wise بذات نفسها منوره المدونه
    يا سيدي .. يا سيدي

    طب أقول ايه بس
    أخيرا شفت طيفك ف الاجواء
    الحمد لله .. عقبال ما اشوفك ع المازنجر يارب

    طبعا مش محتاجه كلاام
    شرف ان تنوري مدونتى البسيطه يا كاتبتنا الهمامه

    وبشكرك على كلامك الجميل
    أخجلتم مدونتنا هههههههه

    منوراني يا وايزي
    ووحشانى كمااااان

    ردحذف