علي نهج عمنا صلاح جاهين ورباعياته
دى كانت شخابيطي ع الورق
مالي كدة زعلان ومدايق
مالى شايل فوق كتافي هموم خلايق
مالي شايف نفسي كبرت وشعري وشايب
وانا اللى لسه فى الحياة .. مبقاليش دقايق
**********************
بحلم ببيت يضمنى مع زوج حنون
بحلم وحلمى مش من انواع الجنون
وحق من أمره بين الكاف والنون
ان أراد شيئا قاله له كن فيكون
*************************
ليلي طويل ملوش آخــــر
من غير لا أصحاب ولا خلااان
بجيب الماضي ع الحاضـــر
وببقي في وحدتي بردااان
*************************
الضحك غالي .. والفرح غالي
والحزن عشش ف القلوب
فى حكمه اكيد م اللى بيجرالي
وراضي يارب بالمكتوب
*************************
قول يا قلم واصرخ واكتب قصايد
قول وقوي كلمتك وسط الخلايق
جايز يقولوا عليه ده كلام جرايد
وجايز يشوفوا ان هى دى بجد الحقايق
قول واكتب كلام موزون في شكل رصين
واسطر حروف من سحرها يزيد الحنين
قول وعلمنا وزيد علينا في المعاني اتنين
معني الضحكة لمـــا تخرج ويغلفها الانين
ومعني الجرح لما ينزف وتداويه دموع العين
يا قلم يا صاحبي من زمااان
حاسس باللى فيه واللى كان
قادر تشوف من غير عيون
وقادر تداوي اللى باقي من انسان
**********************
إحلــم
ما الحلم هو اللى فاضل
من بقايا ماضي عاطر
كان مليان حب ومشاعر
احلم يا صاحبي وايه يضر
دا اللى جوه الناس أمر
من مجرد حلم عابر
لا بينفع حد ولا بيضر
***********************
وللشخابيط بقية
يسم الله ما شاء الله ولا حول ولا قوة الا بالله
ردحذفرووووووووووووووووووووووعه
الرباعيات جميله جدا
وخلى القلم يصرخ ويقول كل اللى فى نفسه
لو النتيجه هتكون بهذا الشكل
حقيقى يعجز القلم عن توفية كلماتك حقها
منتظره باقى الشخابيط
أشكرك يا مها
ردحذفمهو عمال يصرخ اهو وعاملكم دوشه
ربنا يستر بقي وتفضلوا مستحملين صراخه ده
جزاااكى الله كل خير يا حبيبتى
ودايما منورة